'കാശിനെപ്പറ്റിയോര്‍ത്താശങ്ക വേണ്ട, നീ
യാശിച്ചിടും പോലെ വന്നൊഴുകും പണം!
ആശിച്ചിടാതിരുന്നീടുകില്‍ മാത്രമേ
കീശയില്‍ ശൂന്യത വന്നു ഭവിച്ചിടൂ!!'
ആരാണു ചൊല്ലുന്ന, താരാകിലും, ലഭ്യ-
മാകാനുപേക്ഷിക്കുകെന്നന്നു ചൊന്ന നീ-
യാവില്ല! 'ദ്വന്ദാത്മകം ചിന്തതന്‍ പഥം
നീ വിട്ടുവോ'യെന്നു ചോദിച്ചിടുന്നതാര്‍ ?
'ദ്വിധ്രുവിയാം പൊരുള്‍ രണ്ടു ധ്രുവങ്ങളും
ഉള്ളില്‍ എതിര്‍ധ്രുവം കൂടിയുള്‍ക്കൊണ്ടതെ-
ന്നന്നു പഠിച്ചതോര്‍ത്തീടൂ, - ഉപേക്ഷയില്‍
ഉണ്ടൊരപേക്ഷയുമെന്നു കണ്ടീടുക!'
നീതന്നെ, എന്നിലെ ഞാനല്ല, എന്നുള്ളി-
ലോതുന്നതിങ്ങനെ; - നീയെങ്കിലെന്‍ ഗുരു!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ