പക്ഷികളെവിടെപ്പോകുന്നെന്നോ?

പക്ഷികളെവിടെപ്പോകുന്നെന്നോ?
പണ്ടു ഭുജംഗങ്ങള്‍ക്കാം ചിറകുകള്‍
പരിണാമത്താലുളവായതു; ഞാന്‍
ചിറകു കൊഴിക്കുമഹം കണ്ടെഴുതീ:

ചിറകുകൊഴിഞ്ഞു ഭുജംഗപഥങ്ങളി-
ലിഴയുന്നോരെന്‍ രക്ഷയതെവിടെ?
നിന്നില്‍ ഞാനലിയുമ്പോള്‍ , നമ്മള്‍
വീര്യംനേടും, ചിറകു മുളയ്ക്കും!

പൂജ്യന്‍ ഞാന്‍

പൂര്ണമങ്ങെങ്കി,ലുണ്ടിങ്ങും
പൂര്ണം, പൂര്ണങ്ങള്‍ ചേര്ന്നീടില്‍
പൂര്ണംതന്നെ,യതില്നിന്നും
പൂര്ണം നീക്കുക ഹാ! പൂര്ണം!!

പൂര്ണം പൂജ്യമതായാലും
തത്ത്വം വ്യത്യസ്തമല്ലല്ലോ!
പൂര്ണം, പൂജ്യ, മനന്തത
മൂന്നും വ്യത്യസ്തമല്ലല്ലോ!!

എന്താണിത്തത്ത്വമെന്നോടി-
ന്നോതും തത്ത്വ?മതാരായ്‌കെ
'പൂര്ണം പൂജ്യവുമായ് നിന്നില്‍
പൂജ്യന്‍ ഞാന്‍ ' - നിത്യനോതുന്നു!!