2011, നവംബർ 12, ശനിയാഴ്‌ച

നിത്യവും കുമ്പിടേണം!

നിത്യവും കുമ്പിടേണം!

നേരാണോ സ്വപ്നമാണോ അവിരതമുണരും

വര്‍ണമായ് പൂവിടര്‍ത്തും

സൂര്യന്‍ ? - എന്‍ ഉള്ളിലായും രവി,യൊളിയരുളാന്‍

വര്‍ണമായ് ചിത്രമാകാന്‍

പോരുന്നോനുള്ളതായുള്ളൊരു തരിയറിവെന്‍

ഹൃത്തിലായ് വിത്തുപോലെ

ആരാണോ നല്കിടുന്നോളവളുടെ ചരണം

നിത്യവും കുമ്പിടേണം!

വീരാളിപ്പട്ടുടുത്തോനൊരുവനു, മവനെ

പുല്കിടാനായ് കൊതിക്കും

നീരാളിപ്പെണ്ണുമെന്നില്‍ രതിലയനടനം

ചെയ്തവതായ് ഞാനുമാടും

നേരാവാ നാടകത്തിന്‍ പൊരുളിലുമരുളു-

ണ്ടെന്നതാം ജ്ഞാനമെന്നിന്‍

ആരാണോ നല്കിടുന്നോ,ളവളുടെ ചരണം

നിത്യവും കുമ്പിടേണം!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ